KHushi ek pal bhi nahin maine pai

ḳhushī ek pal bhī nahīñ maiñ ne paa.ī

na raas aa sakī mujh ko terī judā.ī

mujhe gudgudātā hai terā tasavvur

vo tere ishāre vo dast-e-hinā.ī

nasha aaj tak us kā utrā nahīñ hai

jo tū ne sharāb-e-mohabbat pilā.ī

tasavvur meñ ubhrā tirā chāñd chehra

añdhere meñ jaise kiran muskurā.ī

jahāñ se bhī guzre ho tum jān-e-jānāñ

vahī rah-guzar chāñdnī meñ nahā.ī

tarab-nāk mahfil rahī sūnī-sūnī

mulāqāt meñ bhī thā ḳhauf-e-judā.ī

chaman meñ bahāreñ bahut aa.iiñ 'jazbī'

alam-āshnā dil meñ raunaq na aa.ī

KHushi ek pal bhi nahin main ne pai

na ras aa saki mujh ko teri judai

mujhe gudgudata hai tera tasawwur

wo tere ishaare wo dast-e-hinai

nasha aaj tak us ka utra nahin hai

jo tu ne sharab-e-mohabbat pilai

tasawwur mein ubhra tera chand chehra

andhere mein jaise kiran muskurai

jahan se bhi guzre ho tum jaan-e-jaanan

wahi rah-guzar chandni mein nahai

tarab-nak mahfil rahi suni-suni

mulaqat mein bhi tha KHauf-e-judai

chaman mein bahaaren bahut aain 'jazbi'

alam-ashna dil mein raunaq na aai