jate jate meri chahat ka sila de jaana
jaate jaate mirī chāhat kā sila de jaanā
ik nishānī kī tarah koī daġhā de jaanā
ek Thokar se vo sab TuuT gaye the kaise
tab'-e-sāda ne jinheñ Thos irāde jaanā
merā har zaḳhm bahāroñ kā muqaddar Thahre
surḳh kāġhaz pe koī naqsh harā de jaanā
sard-mehrī se ThiThur jāoge ai dīda-varo
us kī mahfil meñ pahan garm libāde jaanā
gungunā.e jo ġhazal dasht meñ 'āsif-sāqib'
daad kā phuul kabhī aa ke sabā de jaanā
jate jate meri chahat ka sila de jaana
ek nishani ki tarah koi dagha de jaana
ek Thokar se wo sab TuT gaye the kaise
tab'-e-sada ne jinhen Thos irade jaana
mera har zaKHm bahaaron ka muqaddar Thahre
surKH kaghaz pe koi naqsh hara de jaana
sard-mehri se ThiThur jaoge ai dida-waro
us ki mahfil mein pahan garm libaade jaana
gungunae jo ghazal dasht mein 'asif-saqib'
dad ka phul kabhi aa ke saba de jaana
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
