hum zara muskura ke baiTh gae
ham zarā muskurā ke baiTh ga.e
aap to duur jā ke baiTh ga.e
jān-e-man tere intizār meñ ham
apnī āñkheñ bujhā ke baiTh ga.e
fāḳhta kī uḌaan se pahle
log piñjre banā ke baiTh ga.e
bār-hā ham tumhārī galiyoñ meñ
apnā chehra chhupā ke baiTh ga.e
aur kyā 'ishq kā sila miltā
apnī nīñdeñ gañvā ke baiTh ga.e
hum zara muskura ke baiTh gae
aap to dur ja ke baiTh gae
jaan-e-man tere intizar mein hum
apni aankhen bujha ke baiTh gae
faKHta ki uDan se pahle
log pinjre bana ke baiTh gae
bar-ha hum tumhaari galiyon mein
apna chehra chhupa ke baiTh gae
aur kya 'ishq ka sila milta
apni ninden ganwa ke baiTh gae
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
