bhul baiThe the hum kuchh pahar ke liye
bhuul baiThe the ham kuchh pahar ke liye
ghar se nikle the ham kis safar ke liye
shahr meñ ḳhvāb puure hue haiñ magar
maiñ huā ajnabī gaañv ghar ke liye
maan lete haiñ ham ye alag baat hai
rūThtā kaun hai 'umr bhar ke liye
aap mālik haiñ duniyā hai sab aap kī
sochiye kuchh to mujh dar-ba-dar ke liye
aap 'rūbī' kī rakhte haiñ pal pal ḳhabar
dosto shukriya is ḳhabar ke liye
bhul baiThe the hum kuchh pahar ke liye
ghar se nikle the hum kis safar ke liye
shahr mein KHwab pure hue hain magar
main hua ajnabi ganw ghar ke liye
man lete hain hum ye alag baat hai
ruThta kaun hai 'umr bhar ke liye
aap malik hain duniya hai sab aap ki
sochiye kuchh to mujh dar-ba-dar ke liye
aap 'rubi' ki rakhte hain pal pal KHabar
dosto shukriya is KHabar ke liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
