aankh tumko hi jab na paegi

aañkh tum ko hī jab na pā.egī

'iid kaise manā.ī jā.egī

chāñd kaafī nahīñ hai mere liye

tere aane pe 'iid aa.egī

zindagī laakh toḌ ke mujh ko

tū na ummīd toḌ pā.egī

ġham ne hañsnā hañsānā siikh liyā

ab udāsī bhī muskurā.egī

jo na royā kabhī judā.ī meñ

ab use baat kyā rulā.egī

bhuul saktā huuñ saal bhar tujh ko

'iid to 'iid hai satā.egī

zindagī kā hai ye chalan 'abrak'

āzmātī hai āzmā.egī

aankh tum ko hi jab na paegi

'id kaise manai jaegi

chand kafi nahin hai mere liye

tere aane pe 'id aaegi

zindagi lakh toD ke mujh ko

tu na ummid toD paegi

gham ne hansna hansana sikh liya

ab udasi bhi muskuraegi

jo na roya kabhi judai mein

ab use baat kya rulaegi

bhul sakta hun sal bhar tujh ko

'id to 'id hai sataegi

zindagi ka hai ye chalan 'abrak'

aazmati hai aazmaegi