aaj bhi mujhko yun lagta hai

aaj bhī mujh ko yuuñ lagtā hai

jaise aaj tujhe dekhā hai

terī judā.ī yuuñ kaaTī hai

saal ik pal meñ biit gayā hai

terā milnā terā bichhaḌnā

ik sapnā thā ik sapnā hai

din jo tere paas guzārā

vo din abhī nahīñ guzrā hai

shaam kā vo āvāra jhoñkā

aaj bhī galiyoñ meñ phirtā hai

raat kī raanī kī ḳhushbū kā

jaadū bhī ab tak phailā hai

ab tak jaise merī zabāñ par

tere laboñ kā phuul khilā hai

ab tak mere haath meñ jaise

tere haath kā guldasta hai

parbat par bādal kī barkhā

vaadī meñ jangal mahkā hai

ab tak kashtī Dol rahī hai

ab tak vo dariyā bahtā hai

ab tak patthar luḌhak rahe haiñ

ab tak chashma ubal rahā hai

aaj to mujh ko yuuñ lagtā hai

tū ne mujh ko yaad kiyā hai

aaj bhi mujh ko yun lagta hai

jaise aaj tujhe dekha hai

teri judai yun kaTi hai

sal ek pal mein bit gaya hai

tera milna tera bichhaDna

ek sapna tha ek sapna hai

din jo tere pas guzara

wo din abhi nahin guzra hai

sham ka wo aawara jhonka

aaj bhi galiyon mein phirta hai

raat ki rani ki KHushbu ka

jadu bhi ab tak phaila hai

ab tak jaise meri zaban par

tere labon ka phul khila hai

ab tak mere hath mein jaise

tere hath ka guldasta hai

parbat par baadal ki barkha

wadi mein jangal mahka hai

ab tak kashti Dol rahi hai

ab tak wo dariya bahta hai

ab tak patthar luDhak rahe hain

ab tak chashma ubal raha hai

aaj to mujh ko yun lagta hai

tu ne mujh ko yaad kiya hai