jo bhi taKHt pe aa kar baiTha usko yazdan man liya

jo bhī taḳht pe aa kar baiThā us ko yazdāñ maan liyā

aap bahut hī dīda-var the mausam ko pahchān liyā

jab bhī thakan ne kaaT ke pheñkā dasht-gazīda qadmoñ ko

jaltī ret pe khaal bichā.ī dhuup kā ḳhema taan liyā

apnī anā kā bāġhī dariyā vasl se kyā sarshār huā

us kā nishāñ bhī haath na aayā saarā samundar chhān liyā

qismat ke bāzār se bas ik chiiz hī to le sakte the

tum ne taaj uThāyā maiñ ne 'ġhālib' kā dīvān liyā

zaat sifāt se aarī ho to kaisā ta.āvun ḳhārij kā

aañkh to thī nā-bīnā nāhaq sūraj kā ehsān liyā

jo bhi taKHt pe aa kar baiTha us ko yazdan man liya

aap bahut hi dida-war the mausam ko pahchan liya

jab bhi thakan ne kaT ke phenka dasht-gazida qadmon ko

jalti ret pe khaal bichai dhup ka KHema tan liya

apni ana ka baghi dariya wasl se kya sarshaar hua

us ka nishan bhi hath na aaya sara samundar chhan liya

qismat ke bazar se bas ek chiz hi to le sakte the

tum ne taj uThaya main ne 'ghaalib' ka diwan liya

zat sifat se aari ho to kaisa taawun KHarij ka

aankh to thi na-bina nahaq suraj ka ehsan liya