jit ka sehra jin ke sar hai un se kab talwar uThi
jiit kā sehrā jin ke sar hai un se kab talvār uThī
ham gumnāmoñ kī lāshoñ par shohrat kī dīvār uThī
ahl-e-junūñ kī aahaT sun kar dasht-e-vafā bechain huā
har har goshe se pichhlī zanjīroñ kī jhankār uThī
ab to zarūrat kī ik pagḌī hai yāroñ ke kandhoñ par
ham logoñ ke saath yahāñ se rasm-e-salīb-o-dār uThī
itne thake-hāre the ham bhī bas girne hī vaale the
ham ko sahārā dene lekin gard-e-kūcha-e-yār uThī
jit ka sehra jin ke sar hai un se kab talwar uThi
hum gumnamon ki lashon par shohrat ki diwar uThi
ahl-e-junun ki aahaT sun kar dasht-e-wafa bechain hua
har har goshe se pichhli zanjiron ki jhankar uThi
ab to zarurat ki ek pagDi hai yaron ke kandhon par
hum logon ke sath yahan se rasm-e-salib-o-dar uThi
itne thake-haare the hum bhi bas girne hi wale the
hum ko sahaara dene lekin gard-e-kucha-e-yar uThi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
