ye kaun muskura ke mere dil mein aa gaya

ye kaun muskurā ke mire dil meñ aa gayā

be-dard dard ban ke javānī pe chhā gayā

pahle se ab kahāñ haiñ ḳhad-o-ḳhāl-e-zindagī

daur-e-shabāb naqsha-e-'ibrat banā gayā

jab ham ne bazm-e-dil meñ jalāyā koī charāġh

jhoñkā nasīm-e-yās kā aa kar bujhā gayā

'umr-e-ravāñ ke dekhe jo pur-haul rāste

mā'sūm zindagī ko pasīnā sā aa gayā

aayā shabāb 'ishq kā sāġhar liye hue

yā'nī davā meñ zahr milā kar pilā gayā

uThte nahīñ 'munīr' qadam kū-e-yār se

ye kaun paañv toḌ ke mujh ko biThā gayā

ye kaun muskura ke mere dil mein aa gaya

be-dard dard ban ke jawani pe chha gaya

pahle se ab kahan hain KHad-o-KHal-e-zindagi

daur-e-shabab naqsha-e-'ibrat bana gaya

jab hum ne bazm-e-dil mein jalaya koi charagh

jhonka nasim-e-yas ka aa kar bujha gaya

'umr-e-rawan ke dekhe jo pur-haul raste

ma'sum zindagi ko pasina sa aa gaya

aaya shabab 'ishq ka saghar liye hue

ya'ni dawa mein zahr mila kar pila gaya

uThte nahin 'munir' qadam ku-e-yar se

ye kaun panw toD ke mujh ko biTha gaya