gham-e-jaanan ke ma-siwa kya hai
ġham-e-jānāñ ke mā-sivā kyā hai
dil-e-sad-chāk meñ bhalā kyā hai
marg-e-hastī hai hāsil-e-hastī
aur is marz kī davā kyā hai
barq jalva-fagan nasheman meñ
tū magar ḳhush hai mājrā kyā hai
dār-e-hastī ko sarfarāz karo
raqs-e-bismil meñ ab rakhā kyā hai
phir vahī ārzū-e-rusvā.ī
dil-e-nādāñ tujhe huā kyā hai
ek 'vāsif' na ho to ġham kaisā
husn-e-sad-rang ye adā kyā hai
gham-e-jaanan ke ma-siwa kya hai
dil-e-sad-chaak mein bhala kya hai
marg-e-hasti hai hasil-e-hasti
aur is marz ki dawa kya hai
barq jalwa-fagan nasheman mein
tu magar KHush hai majra kya hai
dar-e-hasti ko sarfaraaz karo
raqs-e-bismil mein ab rakha kya hai
phir wahi aarzu-e-ruswai
dil-e-nadan tujhe hua kya hai
ek 'wasif' na ho to gham kaisa
husn-e-sad-rang ye ada kya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
