jalti bujhti hui aankhon mein sitare likkhe

jaltī bujhtī huī āñkhoñ meñ sitāre likkhe

baab likkhe nahīñ unvān to saare likkhe

manzar-e-ġham thā shafaq rañg kahāñ aks utrā

ḳhuun kā rañg likhā shaam ke pyāre likkhe

nazr-e-tūfān hue saare safīnoñ ke charāġh

vo añdhere jo nigāhoñ ne sahāre likkhe

paikar-e-sabr-o-razā vāqif-e-ramz-e-hastī

dast-e-lamhāt ne yuuñ naam hamāre likkhe

āgahī ne diye ib.hām ke dhoke kyā kyā

sharh-e-alfāz jo likkhī to ishāre likkhe

jalti bujhti hui aankhon mein sitare likkhe

bab likkhe nahin unwan to sare likkhe

manzar-e-gham tha shafaq rang kahan aks utra

KHun ka rang likha sham ke pyare likkhe

nazr-e-tufan hue sare safinon ke charagh

wo andhere jo nigahon ne sahaare likkhe

paikar-e-sabr-o-raza waqif-e-ramz-e-hasti

dast-e-lamhat ne yun nam hamare likkhe

aagahi ne diye ibham ke dhoke kya kya

sharh-e-alfaz jo likkhi to ishaare likkhe