ye waba si kahan se aati hai

ye vabā sī kahāñ se aatī hai

jaañ kī pyāsī kahāñ se aatī hai

nek-sīrat hai har bashar to phir

ḳhūñ-libāsī kahāñ se aatī hai

paikar-e-ḳhāk be-haqīqat meñ

ye anā sī kahāñ se aatī hai

mere aur us ke darmiyāñ aksar

ik jafā sī kahāñ se aatī hai

ḳhūn-ālūd ik hathelī se

bū hinā sī kahāñ se aatī hai

chashm-e-be-bāk-e-shoḳh-fitrat meñ

ye hayā sī kahāñ se aatī hai

raat kī tīrgī meñ chhup kar vo

be-vafā sī kahāñ se aatī hai

ye musalsal mire ḳhayāloñ meñ

dev-dāsī kahāñ se aatī hai

miT chukī dil se jab tirī har yaad

phir zarā sī kahāñ se aatī hai

aap kī fikr meñ abū-'shabbar'

be-harāsī kahāñ se aatī hai

ye waba si kahan se aati hai

jaan ki pyasi kahan se aati hai

nek-sirat hai har bashar to phir

KHun-libasi kahan se aati hai

paikar-e-KHak be-haqiqat mein

ye ana si kahan se aati hai

mere aur us ke darmiyan aksar

ek jafa si kahan se aati hai

KHun-alud ek hatheli se

bu hina si kahan se aati hai

chashm-e-be-bak-e-shoKH-fitrat mein

ye haya si kahan se aati hai

raat ki tirgi mein chhup kar wo

be-wafa si kahan se aati hai

ye musalsal mere KHayalon mein

dew-dasi kahan se aati hai

miT chuki dil se jab teri har yaad

phir zara si kahan se aati hai

aap ki fikr mein abu-'shabbar'

be-harasi kahan se aati hai