surKH-ru hum hue wafa kar ke
surḳh-rū ham hue vafā kar ke
yuuñ hī tum ḳhush raho jafā kar ke
baḌh gayā aur bhī junūñ apnā
kuchh na hāsil huā davā kar ke
kyā rakheñ ham umiid rahbar se
chal diyā ham ko ḳhasta-pā kar ke
ḳhuun hotā rahā tamannā kā
be-vafā terā aasrā kar ke
sabr kar sabr ai dil-e-nādāñ
aabrū jā.egī gilā kar ke
aa.e the chāra-sāzī-e-dil ko
jaate haiñ dard-e-dil sivā kar ke
kyā unheñ mil ga.ī baqā-e-davām
jo hue ḳhush hameñ fanā kar ke
aadmī ai 'matīn' duniyā meñ
qadr khotā hai iltijā kar ke
surKH-ru hum hue wafa kar ke
yun hi tum KHush raho jafa kar ke
baDh gaya aur bhi junun apna
kuchh na hasil hua dawa kar ke
kya rakhen hum umid rahbar se
chal diya hum ko KHasta-pa kar ke
KHun hota raha tamanna ka
be-wafa tera aasra kar ke
sabr kar sabr ai dil-e-nadan
aabru jaegi gila kar ke
aae the chaara-sazi-e-dil ko
jate hain dard-e-dil siwa kar ke
kya unhen mil gai baqa-e-dawam
jo hue KHush hamein fana kar ke
aadmi ai 'matin' duniya mein
qadr khota hai iltija kar ke
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
