main jis se dil lagana chahta tha

maiñ jis se dil lagānā chāhtā thā

vo mujh ko bas rulānā chāhtā thā

ye us kī bhuul thī kuchh aur samjhā

maiñ us ke ġham uThānā chāhtā thā

bashar haivān ban kar rah gayā hai

ḳhudā insāñ banānā chāhtā thā

vo chehre par nayā chehra lagā kar

mujhe phir se lubhānā chāhtā thā

bharosa kar liyā thā maiñ ne jis par

vo mujh ko āzmānā chāhtā thā

mirā jaise hī aayā vaqt achchhā

vo phir se lauT aanā chāhtā thā

nahīñ bhūkā thā tere jism kā maiñ

tire dil meñ Thikānā chāhtā thā

tere dil kī har ik dhaḌkan kī ḳhātir

maiñ sāñseñ haar jaanā chāhtā thā

kisī bhī kaam kā chhoḌā na us ne

maiñ jis ke kaam aanā chāhtā thā

kisī ne bhar diye āñkhoñ meñ aañsū

kabīra muskurānā chāhtā thā

main jis se dil lagana chahta tha

wo mujh ko bas rulana chahta tha

ye us ki bhul thi kuchh aur samjha

main us ke gham uThana chahta tha

bashar haiwan ban kar rah gaya hai

KHuda insan banana chahta tha

wo chehre par naya chehra laga kar

mujhe phir se lubhana chahta tha

bharosa kar liya tha main ne jis par

wo mujh ko aazmana chahta tha

mera jaise hi aaya waqt achchha

wo phir se lauT aana chahta tha

nahin bhuka tha tere jism ka main

tere dil mein Thikana chahta tha

tere dil ki har ek dhaDkan ki KHatir

main sansen haar jaana chahta tha

kisi bhi kaam ka chhoDa na us ne

main jis ke kaam aana chahta tha

kisi ne bhar diye aankhon mein aansu

kabira muskurana chahta tha