ishq ke ruh-e-pak ko tohfa-e-gham se shad kar

'ishq ke rūh-e-pāk ko tohfa-e-ġham se shaad kar

apnī jafā ko yaad kar merī vafā ko yaad kar

jaan ko mahv-e-ġham banā dil ko vafā-nihād kar

banda-e-'ishq hai to yuuñ qat' rah-e-murād kar

ġhamza-e-dil-fareb ko aur bhī jāñ-fazā banā

paikar-e-nāz-o-husn par rang-e-hayā ziyād kar

ai ki najāt-e-hind kī dil se hai tujh ko aarzū

himmat-e-sar-buland se yaas kā insidād kar

qaul ko zaid-o-'amr ke had se sivā aham na jaan

raushnī-e-zamīr meñ 'aql se ijtihād kar

haq se ye ‘uzr-e-maslahat vaqt pe jo kare gurez

us ko na peshvā samajh us pe na e'timād kar

ḳhidmat-e-ahl-e-jaur ko kar na qubūl zīnhār

fann-o-hunar ke zor se 'aish ko ḳhāna-zād kar

ġhair kī jidd-o-jahd par takiya na kar ki hai gunāh

koshish-e-zāt-e-ḳhās par naaz kar e'timād kar

'ishq ke ruh-e-pak ko tohfa-e-gham se shad kar

apni jafa ko yaad kar meri wafa ko yaad kar

jaan ko mahw-e-gham bana dil ko wafa-nihad kar

banda-e-'ishq hai to yun qat' rah-e-murad kar

ghamza-e-dil-fareb ko aur bhi jaan-faza bana

paikar-e-naz-o-husn par rang-e-haya ziyaad kar

ai ki najat-e-hind ki dil se hai tujh ko aarzu

himmat-e-sar-buland se yas ka insidad kar

qaul ko zaid-o-'amr ke had se siwa aham na jaan

raushni-e-zamir mein 'aql se ijtihad kar

haq se ye ‘uzr-e-maslahat waqt pe jo kare gurez

us ko na peshwa samajh us pe na e'timad kar

KHidmat-e-ahl-e-jaur ko kar na qubul zinhaar

fann-o-hunar ke zor se 'aish ko KHana-zad kar

ghair ki jidd-o-jahd par takiya na kar ki hai gunah

koshish-e-zat-e-KHas par naz kar e'timad kar