ada hoga bhala qarz-e-wafa kya

adā hogā bhalā qarz-e-vafā kyā

tumhāre baa'd is ghar meñ rahā kyā

havas ko hai nashāt-e-kār kyā kyā

koī phailā.e dāmān-e-vafā kyā

ḳhirad ab tak junūñ-nā-āshnā hai

sitāroñ se varā kyā hai pata kyā

fazāoñ meñ lahū kī bū rachī hai

na-jāne rang dikhlā.e havā kyā

ḳhud apne vāste āzār Thahre

hamāre kaam aa.egā ḳhudā kyā

hameñ is sang-dil duniyā se dekheñ

mile ḳhūn-e-vafā kā ḳhūñ-bahā kyā

'najīb' apnī satā.ish meñ the sab gum

ḳhabar kis ko thī 'ġhālib' ne kahā kyā

ada hoga bhala qarz-e-wafa kya

tumhaare ba'd is ghar mein raha kya

hawas ko hai nashat-e-kar kya kya

koi phailae daman-e-wafa kya

KHirad ab tak junun-na-ashna hai

sitaron se wara kya hai pata kya

fazaon mein lahu ki bu rachi hai

na-jaane rang dikhlae hawa kya

KHud apne waste aazar Thahre

hamare kaam aaega KHuda kya

hamein is sang-dil duniya se dekhen

mile KHun-e-wafa ka KHun-baha kya

'najib' apni sataish mein the sab gum

KHabar kis ko thi 'ghaalib' ne kaha kya