qaid-e-hasti mein giraftar kiya

qaid-e-hastī meñ giraftār kiyā

hosh ko mā.il-e-paikār kiyā

qalb ko de ke nigāh-e-mā'sūm

jabr ke daam meñ bedār kiyā

karb-e-ālām meñ karvaT karvaT

'aql ko zinda-o-'ayyār kiyā

zulmat-e-dard kī pahnā.ī meñ

dil ko hasrat-gah-e-anvār kiyā

ḳhuuñ se tahrīr hai qirtās-e-baqā

qahr ko dāvar-e-pindār kiyā

'arsh kī samt uThā diiñ nazreñ

arz ko 'arsa-e-adbār kiyā

kis ne dauḌā.ī ye taḳhrīb kī rau

dast-e-'ājiz ko gunahgār kiyā

jis taraf moḌī 'inān-e-hastī

ḳhuun se diid ko sarshār kiyā

rang-e-taqdīr ki thā rang-e-havas

aañkh ko kis ne guhar-bār kiyā

qaid-e-hasti mein giraftar kiya

hosh ko mail-e-paikar kiya

qalb ko de ke nigah-e-ma'sum

jabr ke dam mein bedar kiya

karb-e-alam mein karwaT karwaT

'aql ko zinda-o-'ayyar kiya

zulmat-e-dard ki pahnai mein

dil ko hasrat-gah-e-anwar kiya

KHun se tahrir hai qirtas-e-baqa

qahr ko dawar-e-pindar kiya

'arsh ki samt uTha din nazren

arz ko 'arsa-e-adbar kiya

kis ne dauDai ye taKHrib ki rau

dast-e-'ajiz ko gunahgar kiya

jis taraf moDi 'inan-e-hasti

KHun se did ko sarshaar kiya

rang-e-taqdir ki tha rang-e-hawas

aankh ko kis ne guhar-bar kiya