jabr se iKHtiyar tak sab jhuT

jabr se iḳhtiyār tak sab jhuuT

fat.h se eqtidār tak sab jhuuT

manziloñ kā fareb kyā kahiye

kārvāñ se ġhubār tak sab jhuuT

rang kyā shai hai ḳhushbueñ kyā haiñ

āshiyāñ se bahār tak sab jhuuT

mahfil-e-'aish mutriba saaqī

jām-o-mai se ḳhumār tak sab jhuuT

dasht-o-dariyā pahāḌ aur sahrā

asp se shahsavār tak sab jhuuT

pyaas baaqī thī pyaas baaqī hai

sang se ābshār tak sab jhuuT

ik ḳhudā hī hai sach 'alī' varna

vahm se e'tibār tak sab jhuuT

jabr se iKHtiyar tak sab jhuT

fath se eqtidar tak sab jhuT

manzilon ka fareb kya kahiye

karwan se ghubar tak sab jhuT

rang kya shai hai KHushbuen kya hain

aashiyan se bahaar tak sab jhuT

mahfil-e-'aish mutriba saqi

jam-o-mai se KHumar tak sab jhuT

dasht-o-dariya pahaD aur sahra

asp se shahsawar tak sab jhuT

pyas baqi thi pyas baqi hai

sang se aabshaar tak sab jhuT

ek KHuda hi hai sach 'ali' warna

wahm se e'tibar tak sab jhuT