jab raqibon ka sitam yaad aaya

jab raqīboñ kā sitam yaad aayā

kuchh tumhārā bhī karam yaad aayā

kab hameñ hājat-e-parhez paḌī

ġham na khāyā thā ki sam yaad aayā

na likhā ḳhat ki ḳhat-e-peshānī

mujh ko hañgām-e-raqam yaad aayā

shola-e-zaḳhm se ai said-fagan

dāġh-e-āhū-e-haram yaad aayā

Thahre kyā dil ki tirī shoḳhī se

iztirāb-e-pa-e-ham yaad aayā

ḳhūbi-e-baḳht ki paimān-e-adū

us ko hañgām-e-qasam yaad aayā

khul ga.ī ġhair se ulfat us kī

jām-e-mai se mujhe jam yaad aayā

vo mirā dil hai ki ḳhud-bīnoñ ko

dekh kar aa.ina kam yaad aayā

kis liye lutf kī bāteñ haiñ phir

kyā koī aur sitam yaad aayā

aise ḳhud-rafta ho ai 'sheftā' kyuuñ

kahīñ us shoḳh kā ram yaad aayā

jab raqibon ka sitam yaad aaya

kuchh tumhaara bhi karam yaad aaya

kab hamein hajat-e-parhez paDi

gham na khaya tha ki sam yaad aaya

na likha KHat ki KHat-e-peshani

mujh ko hangam-e-raqam yaad aaya

shola-e-zaKHm se ai said-fagan

dagh-e-ahu-e-haram yaad aaya

Thahre kya dil ki teri shoKHi se

iztirab-e-pa-e-ham yaad aaya

KHubi-e-baKHt ki paiman-e-adu

us ko hangam-e-qasam yaad aaya

khul gai ghair se ulfat us ki

jam-e-mai se mujhe jam yaad aaya

wo mera dil hai ki KHud-binon ko

dekh kar aaina kam yaad aaya

kis liye lutf ki baaten hain phir

kya koi aur sitam yaad aaya

aise KHud-rafta ho ai 'shefta' kyun

kahin us shoKH ka ram yaad aaya