jab husn-e-be-misal par itna ghurur tha

jab husn-e-be-misāl par itnā ġhurūr thā

ā.īna dekhnā tumheñ phir kyā zarūr thā

chhup-chhup ke ġhair tak tumheñ jaanā zarūr thā

thā pīchhe pīchhe maiñ bhī magar duur duur thā

mulk-e-adam kī raah thī mushkil se tai huī

manzil tak aate aate badan chūr-chūr thā

do ghūñT bhī na pī sake aur aañkh khul ga.ī

phir bazm-e-aish thī na vo jām-e-surūr thā

vaa.iz kī āñkheñ khul ga.iiñ piite hī sāqiyā

ye jām-e-mai thā yā koī dariyā-e-nūr thā

kyuuñ baiThe haath malte ho ab 'yās' kyā huā

is bevafā shabāb par itnā ġhurūr thā

jab husn-e-be-misal par itna ghurur tha

aaina dekhna tumhein phir kya zarur tha

chhup-chhup ke ghair tak tumhein jaana zarur tha

tha pichhe pichhe main bhi magar dur dur tha

mulk-e-adam ki rah thi mushkil se tai hui

manzil tak aate aate badan chur-chur tha

do ghunT bhi na pi sake aur aankh khul gai

phir bazm-e-aish thi na wo jam-e-surur tha

waiz ki aankhen khul gain pite hi saqiya

ye jam-e-mai tha ya koi dariya-e-nur tha

kyun baiThe hath malte ho ab 'yas' kya hua

is bewafa shabab par itna ghurur tha