jao mujhe Darao na kar-e-malal se
jaao mujhe Darāo na kār-e-malāl se
ye kaam kar rahā huuñ maiñ battīs saal se
pahle to nāḳhunoñ se tarāshe ka.ī pahāḌ
phir us ke baa'd zaḳhm kurede kudāl se
khultī thī ik makān kī khiḌkī junūbī samt
sūraj tulū' hotā thā merā shumāl se
aisā nahīñ ki hijr huā mujh meñ sirf jazb
zāhir bhī ho rahā hai mire ḳhadd-o-ḳhāl se
ye zaḳhm us kā āḳhirī tohfa hai kuchh karo
kuchh bhī karo bachāo ise indimāl se
ik hijr-e-mumkina mire kaafī qarīb hai
dīmak zarā sī duur hai lakḌī ke Taal se
jao mujhe Darao na kar-e-malal se
ye kaam kar raha hun main battis sal se
pahle to naKHunon se tarashe kai pahaD
phir us ke ba'd zaKHm kurede kudal se
khulti thi ek makan ki khiDki junubi samt
suraj tulu' hota tha mera shumal se
aisa nahin ki hijr hua mujh mein sirf jazb
zahir bhi ho raha hai mere KHadd-o-KHal se
ye zaKHm us ka aaKHiri tohfa hai kuchh karo
kuchh bhi karo bachao ise indimal se
ek hijr-e-mumkina mere kafi qarib hai
dimak zara si dur hai lakDi ke Tal se
- Book : Aakhiri Tasveer (Pg. 22)
- Author : Umair Nazmi
- Publication : Rekhta Publications (2024)
- Edition : First
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
