aadab na sajda hai namaskar nahin hai

ādāb na sajda hai namaskār nahīñ hai

kahtā hai use ham se sarokār nahīñ hai

āñkheñ to 'ināyat ke ujāloñ se bharī haiñ

par 'ishq ke iz.hār ko tayyār nahīñ hai

ai dil ye batā de ki use kaise sazā duuñ

jo merī nigāhoñ meñ gunah-gār nahīñ hai

duniyā kī tamannā hai use apnā banā luuñ

mushkil to yahī hai ki vo tayyār nahīñ hai

jī meñ hai mujhe āñkhoñ se vo jaam pilā.e

vo chaa.e pilāne ko bhī tayyār nahīñ hai

kis kis ko sunā.ūñ maiñ muqaddar kā fasāna

pahle jo madad-gār thā is baar nahīñ hai

vo kaun hai jis ne na paḌhe us ke qasīde

vo kaun hai jo us kā talab-gār nahīñ hai

dekho na hameñ aise hiqārat kī nazar se

itnā bhī baḌā aap kā me'yār nahīñ hai

talvār ho gardan pe bhale jaañ pe banī ho

jo sach na kahe sachchā qalamkār nahīñ hai

aadab na sajda hai namaskar nahin hai

kahta hai use hum se sarokar nahin hai

aankhen to 'inayat ke ujalon se bhari hain

par 'ishq ke izhaar ko tayyar nahin hai

ai dil ye bata de ki use kaise saza dun

jo meri nigahon mein gunah-gar nahin hai

duniya ki tamanna hai use apna bana lun

mushkil to yahi hai ki wo tayyar nahin hai

ji mein hai mujhe aankhon se wo jam pilae

wo chae pilane ko bhi tayyar nahin hai

kis kis ko sunaun main muqaddar ka fasana

pahle jo madad-gar tha is bar nahin hai

wo kaun hai jis ne na paDhe us ke qaside

wo kaun hai jo us ka talab-gar nahin hai

dekho na hamein aise hiqarat ki nazar se

itna bhi baDa aap ka me'yar nahin hai

talwar ho gardan pe bhale jaan pe bani ho

jo sach na kahe sachcha qalamkar nahin hai