is shahr-e-KHuftgan mein koi to azan de
is shahr-e-ḳhuftgāñ meñ koī to azaan de
aisā na ho zamīñ kā javāb āsmān de
paḌhnā hai to navishta-e-bainassutūr paḌh
tahrīr-e-be-hurūf ke ma.anī pe dhyān de
sūraj to kyā bujhegā magar ai havā-e-mahr
taptī zamīñ pe abr kī chādar hī taan de
ab dhuup se gurez karoge to ek din
mumkin hai saaya bhī na koī sā.ebān de
maiñ sochtā huuñ is liye shāyad maiñ zinda huuñ
mumkin hai ye gumān haqīqat kā gyaan de
maiñ sach to boltā huuñ magar ai ḳhudā-e-harf
tū jis meñ sochtā hai mujhe vo zabān de
sūraj ke gird ghuum rahā huuñ zamīñ ke saath
is gardish-e-mudām se mujh ko amaan de
maiñ tañgī-e-makāñ se na ho jā.ūñ tañg-dil
apnī tarah mujhe bhī koī lā-makān de
merī gavāhī dene lagī merī shā.erī
yārab mire suḳhan ko vo husn-e-bayān de
is shahr-e-KHuftgan mein koi to azan de
aisa na ho zamin ka jawab aasman de
paDhna hai to nawishta-e-bainassutur paDh
tahrir-e-be-huruf ke mani pe dhyan de
suraj to kya bujhega magar ai hawa-e-mahr
tapti zamin pe abr ki chadar hi tan de
ab dhup se gurez karoge to ek din
mumkin hai saya bhi na koi saeban de
main sochta hun is liye shayad main zinda hun
mumkin hai ye guman haqiqat ka gyan de
main sach to bolta hun magar ai KHuda-e-harf
tu jis mein sochta hai mujhe wo zaban de
suraj ke gird ghum raha hun zamin ke sath
is gardish-e-mudam se mujh ko aman de
main tangi-e-makan se na ho jaun tang-dil
apni tarah mujhe bhi koi la-makan de
meri gawahi dene lagi meri shaeri
yarab mere suKHan ko wo husn-e-bayan de
- Book : Pakistani Adab (Pg. 437)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
