is dasht pe ehsan na kar ai abr-e-rawan aur
is dasht pe ehsāñ na kar ai abr-e-ravāñ aur
jab aag ho nam-ḳhurda to uThtā hai dhuāñ aur
vo qahat-e-junūñ hai ki koī chaak garebāñ
aatā hai nazar bhī to guzartā hai gumāñ aur
ye sañg-zanī mere liye bārish-e-gul hai
thak jaao to kuchh sañg ba-dast-e-digrāñ aur
sūraj ko ye ġham hai ki samundar bhī hai pāyāb
yā rab mire qulzum meñ koī sail-e-ravāñ aur
'shā.ir' ye zamīñ hazrat-e-ġhālib kī zamīñ hai
har sher talab kartā hai ḳhūn-e-rag-e-jāñ aur
is dasht pe ehsan na kar ai abr-e-rawan aur
jab aag ho nam-KHurda to uThta hai dhuan aur
wo qahat-e-junun hai ki koi chaak gareban
aata hai nazar bhi to guzarta hai guman aur
ye sang-zani mere liye barish-e-gul hai
thak jao to kuchh sang ba-dast-e-digran aur
suraj ko ye gham hai ki samundar bhi hai payab
ya rab mere qulzum mein koi sail-e-rawan aur
'shair' ye zamin hazrat-e-ghaalib ki zamin hai
har sher talab karta hai KHun-e-rag-e-jaan aur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
