mach jaega kohram jo sarkar giregi

mach jā.egā kohrām jo sarkār giregī

mat soch ki chup-chāp ye dīvār giregī

kartā hai sar-e-bazm tū har shaḳhs kī tauhīn

dastār tirī bhī sar-e-bāzār giregī

ḳhud-ġharzī ke gaare se jo dīvār-e-ta'alluq

jab jab bhī uThāoge vo har baar giregī

is baar bhī peḌoñ pe bahut baur lagā hai

is baar bhī bijlī sar-e-ashjār giregī

ham baiTh ga.e sāya-e-dīvār meñ lekin

jab āñdhī chalī ret kī dīvār giregī

tā'zīm ko tum bā'is-e-zillat na banāo

jhuk jāoge qadmoñ meñ to dastār giregī

mach jaega kohram jo sarkar giregi

mat soch ki chup-chap ye diwar giregi

karta hai sar-e-bazm tu har shaKHs ki tauhin

dastar teri bhi sar-e-bazar giregi

KHud-gharzi ke gare se jo diwar-e-ta'alluq

jab jab bhi uThaoge wo har bar giregi

is bar bhi peDon pe bahut baur laga hai

is bar bhi bijli sar-e-ashjar giregi

hum baiTh gae saya-e-diwar mein lekin

jab aandhi chali ret ki diwar giregi

ta'zim ko tum ba'is-e-zillat na banao

jhuk jaoge qadmon mein to dastar giregi