wasl ki raat ho maqsum bhale id ke baad

vasl kī raat ho maqsūm bhale 'iid ke baa'd

dil ke armān machalte haiñ tirī diid ke baa'd

phir vahī dard kā 'ālam vahī tanhā.ī kī raat

dil dhaḌaktā hai tirī yaad kī tā.īd ke baa'd

kitne mahtāb mire dasht-e-tamannā meñ khule

ik tirī jalvagarī husn kī tajdīd ke baa'd

koī paiġhām koī harf-e-tasallī to mile

baḌh ga.ī dil kī taḌap vasl kī ummīd ke baa'd

ab kisī aur sitāre kī zarūrat hī nahīñ

tābāñ afkār hue nuur kī tamhīd ke baa'd

aaj phir chāñd ne dī hai mujhe terī ḳhushbū

ek muddat kī kaḌī hijr kī tahdīd ke baa'd

wasl ki raat ho maqsum bhale 'id ke ba'd

dil ke arman machalte hain teri did ke ba'd

phir wahi dard ka 'alam wahi tanhai ki raat

dil dhaDakta hai teri yaad ki taid ke ba'd

kitne mahtab mere dasht-e-tamanna mein khule

ek teri jalwagari husn ki tajdid ke ba'd

koi paigham koi harf-e-tasalli to mile

baDh gai dil ki taDap wasl ki ummid ke ba'd

ab kisi aur sitare ki zarurat hi nahin

taban afkar hue nur ki tamhid ke ba'd

aaj phir chand ne di hai mujhe teri KHushbu

ek muddat ki kaDi hijr ki tahdid ke ba'd