kuchh baat rahi hogi jo wo ghar nahin lauTa

kuchh baat rahī hogī jo vo ghar nahīñ lauTā

sāhil se judā ho ke samundar nahīñ lauTā

ummīd to āñkhoñ ne bahut der na chhoḌī

lekin vo kabhī ḳhush-numā manzar nahīñ lauTā

hai 'ishq to maat is meñ hai donoñ kī yaqīnan

is jang se koī bhī muzaffar nahīñ lauTā

kuchh der se phaldār daraḳhtoñ ne pukārā

par bhuuk se be-hāloñ kā lashkar nahīñ lauTā

maiñ chhat pe khaḌā apne savāloñ ko uḌā.ūñ

par le ke javāb us kā kabūtar nahīñ lauTā

jab lauT ke 'talḳh' aayā to thoḌī sī kamī thī

dastār to lauTī thī magar sar nahīñ lauTā

kuchh baat rahi hogi jo wo ghar nahin lauTa

sahil se juda ho ke samundar nahin lauTa

ummid to aankhon ne bahut der na chhoDi

lekin wo kabhi KHush-numa manzar nahin lauTa

hai 'ishq to mat is mein hai donon ki yaqinan

is jang se koi bhi muzaffar nahin lauTa

kuchh der se phaldar daraKHton ne pukara

par bhuk se be-haalon ka lashkar nahin lauTa

main chhat pe khaDa apne sawalon ko uDaun

par le ke jawab us ka kabutar nahin lauTa

jab lauT ke 'talKH' aaya to thoDi si kami thi

dastar to lauTi thi magar sar nahin lauTa