KHizan ka daur hai phir bhi bahaar baqi hai

ḳhizāñ kā daur hai phir bhī bahār baaqī hai

vo is liye ki abhī yād-e-yār baaqī hai

nigāh-e-mast se kal shaam itnī pī lī thī

ki raat biit ga.ī hai ḳhumār baaqī hai

na un ko apnī nigāhoñ pe hai koī qaabū

na apne dil pe hameñ iḳhtiyār baaqī hai

guzar gayā hai umīdoñ kā kārvāñ lekin

rah-e-hayāt meñ ab tak ġhubār baaqī hai

abhī payām hī aayā hai un kī jānib se

abhī to aur ġham-e-intizār baaqī hai

ye hai karishma-e-husn-e-ḳhayāl ai 'rāhī'

ki gum hai shīsha-e-dil 'aks-e-yār baaqī hai

KHizan ka daur hai phir bhi bahaar baqi hai

wo is liye ki abhi yaad-e-yar baqi hai

nigah-e-mast se kal sham itni pi li thi

ki raat bit gai hai KHumar baqi hai

na un ko apni nigahon pe hai koi qabu

na apne dil pe hamein iKHtiyar baqi hai

guzar gaya hai umidon ka karwan lekin

rah-e-hayat mein ab tak ghubar baqi hai

abhi payam hi aaya hai un ki jaanib se

abhi to aur gham-e-intizar baqi hai

ye hai karishma-e-husn-e-KHayal ai 'rahi'

ki gum hai shisha-e-dil 'aks-e-yar baqi hai