is imtihan se KHud ko guzarte kab tak

is imtihān se ḳhud ko guzārte kab tak

tirī ḳhushī ke liye tujh ko hārte kab tak

ḳhud apnī jaañ kā ujālā falak pe Taañk diyā

sahar ba-dast rutoñ ko pukārte kab tak

hameñ palaTnā paḌā ziist kī taraf āḳhir

tire jamāl kī nazreñ utārte kab tak

to ham ne qāfla-e-dil baḌhā liyā aage

ġhurūr-e-husn tujh intizārte kab tak

zarā sī der meñ maa.el ba-mā'zarat thā 'zahīr'

vo mar chukā thā use aur mārte kab tak

is imtihan se KHud ko guzarte kab tak

teri KHushi ke liye tujh ko haarte kab tak

KHud apni jaan ka ujala falak pe Tank diya

sahar ba-dast ruton ko pukarte kab tak

hamein palaTna paDa zist ki taraf aaKHir

tere jamal ki nazren utarte kab tak

to hum ne qafla-e-dil baDha liya aage

ghurur-e-husn tujh intizarte kab tak

zara si der mein mael ba-ma'zarat tha 'zahir'

wo mar chuka tha use aur marte kab tak