hain muntazir kisi hansti hui sahar ke liye
haiñ muntazir kisī hañstī huī sahar ke liye
umīd-vār haiñ ham terī ik nazar ke liye
hamāre haal pe rotī hai ḳhāna-vīrānī
sameTte rahe ḳhushiyāñ parā.e ghar ke liye
dil-e-ḳharāb ki ab rāste kā patthar hai
mirī jabīñ ke liye hai na tere dar ke liye
isī se dil kī tamannā meñ rang bhar leñge
ye ek zaḳhm milā hai jo 'umr bhar ke liye
faqat hamīñ pe girāñ hai hamārī maut 'anvar'
ye baat aur bhī āsāñ hai chāragar ke liye
hain muntazir kisi hansti hui sahar ke liye
umid-war hain hum teri ek nazar ke liye
hamare haal pe roti hai KHana-virani
sameTte rahe KHushiyan parae ghar ke liye
dil-e-KHarab ki ab raste ka patthar hai
meri jabin ke liye hai na tere dar ke liye
isi se dil ki tamanna mein rang bhar lenge
ye ek zaKHm mila hai jo 'umr bhar ke liye
faqat hamin pe giran hai hamari maut 'anwar'
ye baat aur bhi aasan hai chaaragar ke liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
