dasht mein hi guhar bane koi
dasht meñ hī guhar bane koī
ghar kahīñ par agar bane koī
ek aahaT se ek dastak se
vasvasa raat bhar bane koī
is ḳharābe meñ surḳh-rū sayyād
ġhair-mumkin hai par bane koī
dil rasā.ī kī baat kartā hai
us galī nāma-bar bane koī
muddatoñ baa'd us ko dekhā hai
hādse kī ḳhabar bane koī
din to duniyā guzār detī hai
raat kā ham-safar bane koī
apnā dāman sameT kar rakkhe
gar kisī kī sipar bane koī
dasht mein hi guhar bane koi
ghar kahin par agar bane koi
ek aahaT se ek dastak se
waswasa raat bhar bane koi
is KHarabe mein surKH-ru sayyaad
ghair-mumkin hai par bane koi
dil rasai ki baat karta hai
us gali nama-bar bane koi
muddaton ba'd us ko dekha hai
hadse ki KHabar bane koi
din to duniya guzar deti hai
raat ka ham-safar bane koi
apna daman sameT kar rakkhe
gar kisi ki sipar bane koi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
