jab insan se aari hogi
jab insāñ se 'aarī hogī
duniyā kitnī pyārī hogī
jaane us par kyā kyā guzrī
jis ne 'umr guzārī hogī
jab hogā āsān sabhī kuchh
tab kitnī dushvārī hogī
ye ham ko mā'lūm nahīñ thā
hijrat itnī bhārī hogī
hogā jab jiine kā mausam
marne kī tayyārī hogī
vaqt guzar jā.egā 'qāsim'
kaisī bhī dushvārī hogī
jab insan se 'ari hogi
duniya kitni pyari hogi
jaane us par kya kya guzri
jis ne 'umr guzari hogi
jab hoga aasan sabhi kuchh
tab kitni dushwari hogi
ye hum ko ma'lum nahin tha
hijrat itni bhaari hogi
hoga jab jine ka mausam
marne ki tayyari hogi
waqt guzar jaega 'qasim'
kaisi bhi dushwari hogi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
