main apni sadi ki ghazal likh raha hun

maiñ apnī sadī kī ġhazal likh rahā huuñ

har ik mas.ale kā maiñ hal likh rahā huuñ

mirī haq-parastī kā hai ye taqāzā

sadī ko sadī pal ko pal likh rahā huuñ

hai kis soch meñ vaqt andāza kiije

ki maiñ us ke māthe kā bal likh rahā huuñ

mirī aarzū hai mirā ḳhvāb hai ye

jo kuTiyā ko bhī maiñ mahal likh rahā huuñ

fasāna 'azīz aaj amn-o-amāñ kā

ba-‘unvān-e-jang-o-jadal likh rahā huuñ

main apni sadi ki ghazal likh raha hun

har ek masale ka main hal likh raha hun

meri haq-parasti ka hai ye taqaza

sadi ko sadi pal ko pal likh raha hun

hai kis soch mein waqt andaza kije

ki main us ke mathe ka bal likh raha hun

meri aarzu hai mera KHwab hai ye

jo kuTiya ko bhi main mahal likh raha hun

fasana 'aziz aaj amn-o-aman ka

ba-‘unwan-e-jang-o-jadal likh raha hun