jahan mein aankh jo kholi fana ko bhul gae
jahāñ meñ aañkh jo kholī fanā ko bhuul ga.e
kuchh ibtidā hī meñ ham intihā ko bhuul ga.e
nifāq gabr-o-musalmāñ kā yuuñ miTā āḳhir
ye but ko bhuul ga.e vo ḳhudā ko bhuul ga.e
huā mizāj kā 'ālam ye sair-e-europe se
ki apne mulk kī āb-o-havā ko bhuul ga.e
zamīñ laraztī hai bahte haiñ ḳhuun ke dariyā
ḳhudī ke josh meñ apne ḳhudā ko bhuul ga.e
ye inqilāb huā 'ālam-e-asīrī meñ
qafas meñ rah ke ham apnī sadā ko bhuul ga.e
jahan mein aankh jo kholi fana ko bhul gae
kuchh ibtida hi mein hum intiha ko bhul gae
nifaq gabr-o-musalman ka yun miTa aaKHir
ye but ko bhul gae wo KHuda ko bhul gae
hua mizaj ka 'alam ye sair-e-europe se
ki apne mulk ki aab-o-hawa ko bhul gae
zamin larazti hai bahte hain KHun ke dariya
KHudi ke josh mein apne KHuda ko bhul gae
ye inqilab hua 'alam-e-asiri mein
qafas mein rah ke hum apni sada ko bhul gae
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
