har waqt maslahat ki numaish fuzul hai
har vaqt maslahat kī numā.ish fuzūl hai
sach ke liye safā.ī kī ḳhvāhish fuzūl hai
jo ḳhud gubār-e-vahm meñ gum hai ḳhamosh hai
us ke liye dalīl kī kāvish fuzūl hai
jab shahr ke charāġh hī apne na ho sake
sūraj se raushnī kī guzārish fuzūl hai
āvāz jab ḳharīd lī daulat ke zor par
phir 'adl meñ gavāh kī ḳhvāhish fuzūl hai
sab kuchh to pahle kātib-e-taqdīr likh chukā
ai aadmī yahāñ tirī sāzish fuzūl hai
jab dhuup ke pujārī khaḌe haiñ jahāñ-tahāñ
saa.e kī ab kisī se navāzish fuzūl hai
talvār par rakhī ga.ī gardan ġharīb kī
qātil kā hukm hai abhī jumbish fuzūl hai
har waqt maslahat ki numaish fuzul hai
sach ke liye safai ki KHwahish fuzul hai
jo KHud gubar-e-wahm mein gum hai KHamosh hai
us ke liye dalil ki kawish fuzul hai
jab shahr ke charagh hi apne na ho sake
suraj se raushni ki guzarish fuzul hai
aawaz jab KHarid li daulat ke zor par
phir 'adl mein gawah ki KHwahish fuzul hai
sab kuchh to pahle katib-e-taqdir likh chuka
ai aadmi yahan teri sazish fuzul hai
jab dhup ke pujari khaDe hain jahan-tahan
sae ki ab kisi se nawazish fuzul hai
talwar par rakhi gai gardan gharib ki
qatil ka hukm hai abhi jumbish fuzul hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
