dil mera har ek par yunhi fida hota nahin

dil mirā har ek par yūñhī fidā hotā nahīñ

fitratan har ek tujh sā bevafā hotā nahīñ

dil mirā hai āshnā-e-be-vafā-o-bā-vafā

be-vafā ho jaa.e jo vo bā-vafā hotā nahīñ

merā dil hai tere dil se terā mujh se āshnā

āshnā hoñ jin ke dil phir un se kyā hotā nahīñ

chhoḌ jaa.e jo kabhī bhī tum ko tanhā raah meñ

jaan lo ki vo kabhī bhī rahnumā hotā nahīñ

be-vafā kahte haiñ mujh ko log us ke shahr ke

be-vafā kahne se koī be-vafā hotā nahīñ

jo badaltā hai vo andāz-e-sitam hai 'arsalān'

varna is duniyā meñ koī ġham nayā hotā nahīñ

dil mera har ek par yunhi fida hota nahin

fitratan har ek tujh sa bewafa hota nahin

dil mera hai aashna-e-be-wafa-o-ba-wafa

be-wafa ho jae jo wo ba-wafa hota nahin

mera dil hai tere dil se tera mujh se aashna

aashna hon jin ke dil phir un se kya hota nahin

chhoD jae jo kabhi bhi tum ko tanha rah mein

jaan lo ki wo kabhi bhi rahnuma hota nahin

be-wafa kahte hain mujh ko log us ke shahr ke

be-wafa kahne se koi be-wafa hota nahin

jo badalta hai wo andaz-e-sitam hai 'arsalan'

warna is duniya mein koi gham naya hota nahin