lauT kar wo bhi ghar gaya hoga

lauT kar vo bhī ghar gayā hogā

ab to paanī utar gayā hogā

paanī paanī jo ho rahā hai vo

paanī sar se guzar gayā hogā

vus’at-e-qalb kab talak lekin

dil hai āḳhir ko bhar gayā hogā

ḳhauf meñ mubtalā jiye kaise

Dar gayā thā vo mar gayā hogā

log ab tak use nahīñ bhūle

kaam kuchh aisā kar gayā hogā

sab hai us kā kiyā dharā par vo

mujh pe ilzām dhar gayā hogā

dost masrūf haiñ sabhī us ke

sochtā huuñ kidhar gayā hogā

guzrā hogā nazar jhukā ke vo

us galī meñ magar gayā hogā

apne ghar meñ sunā hai ḳhush hai vo

aur bhī kuchh nikhar gayā hogā

lauT kar wo bhi ghar gaya hoga

ab to pani utar gaya hoga

pani pani jo ho raha hai wo

pani sar se guzar gaya hoga

wus’at-e-qalb kab talak lekin

dil hai aaKHir ko bhar gaya hoga

KHauf mein mubtala jiye kaise

Dar gaya tha wo mar gaya hoga

log ab tak use nahin bhule

kaam kuchh aisa kar gaya hoga

sab hai us ka kiya dhara par wo

mujh pe ilzam dhar gaya hoga

dost masruf hain sabhi us ke

sochta hun kidhar gaya hoga

guzra hoga nazar jhuka ke wo

us gali mein magar gaya hoga

apne ghar mein suna hai KHush hai wo

aur bhi kuchh nikhar gaya hoga