jaiye ilzam ki tafsil le kar aaiye

jā.iye ilzām kī tafsīl le kar aa.iye

an-kahe dushnām kī zambīl le kar aa.iye

raaj hai tīra-shabī kā vādī-e-gulnār meñ

ho sake to husn kī qindīl le kar aa.iye

kis kā hai kitnā ḳhasāra faisla ho jā.egā

hijr ke lamhāt kī tafsīl le kar aa.iye

aap ne kaise mohabbat ko girāyā sochiye

lafz hai chhoTā to phir tamsīl le kar aa.iye

istiġhāsa qatl kā hai jaan chhuTne kī nahīñ

har sitam kī aap ab tāvīl le kar aa.iye

ham ne maanā dard kā ilzām ham par hī sahī

aisā hai to dard kī tahvīl le kar aa.iye

jaiye ilzam ki tafsil le kar aaiye

an-kahe dushnam ki zambil le kar aaiye

raj hai tira-shabi ka wadi-e-gulnar mein

ho sake to husn ki qindil le kar aaiye

kis ka hai kitna KHasara faisla ho jaega

hijr ke lamhat ki tafsil le kar aaiye

aap ne kaise mohabbat ko giraya sochiye

lafz hai chhoTa to phir tamsil le kar aaiye

istighasa qatl ka hai jaan chhuTne ki nahin

har sitam ki aap ab tawil le kar aaiye

hum ne mana dard ka ilzam hum par hi sahi

aisa hai to dard ki tahwil le kar aaiye