saghar-o-jam ko chhalkao ki kuchh raat kaTe

sāġhar-o-jām ko chhalkāo ki kuchh raat kaTe

jaam ko jaam se Takrāo ki kuchh raat kaTe

khaa.e jaatī hai ye tanhā.ī ye tārīki-e-shab

do ghaḌī ke liye aa jaao ki kuchh raat kaTe

chup tumhārī mujhe dīvāna banā detī hai

aaj lillāh na sharmāo ki kuchh raat kaTe

haañ ye va.ada rahā ab phir nahīñ rokeñge kabhī

aaj kuchh der Thahar jaao ki kuchh raat kaTe

sāz-o-naġhma hī sahī haañ mai-o-mīnā hī sahī

sāqiyā jaam hī bhar laao ki kuchh raat kaTe

ai 'zakī' hijr kī rāteñ nahīñ kaaTe kaTtīñ

koī achchhī sī ġhazal gaao ki kuchh raat kaTe

saghar-o-jam ko chhalkao ki kuchh raat kaTe

jam ko jam se Takrao ki kuchh raat kaTe

khae jati hai ye tanhai ye tariki-e-shab

do ghaDi ke liye aa jao ki kuchh raat kaTe

chup tumhaari mujhe diwana bana deti hai

aaj lillah na sharmao ki kuchh raat kaTe

han ye wada raha ab phir nahin rokenge kabhi

aaj kuchh der Thahar jao ki kuchh raat kaTe

saz-o-naghma hi sahi han mai-o-mina hi sahi

saqiya jam hi bhar lao ki kuchh raat kaTe

ai 'zaki' hijr ki raaten nahin kaTe kaTtin

koi achchhi si ghazal gao ki kuchh raat kaTe