apni izzat bacha KHuda ke liye
apnī 'izzat bachā ḳhudā ke liye
mire ḳhat ko chhupā ḳhudā ke liye
khiḌkiyāñ khol do mire ghar kī
aane do kuchh havā ḳhudā ke liye
rok rakkhā hai kyuuñ binā maqsad
jurm merā batā ḳhudā ke liye
haath bāñdhe savāl hai ye mirā
ḳhatm hogī sazā ḳhudā ke liye
ab mohabbat qubūl kar le mirī
yuuñ na dil ko jalā ḳhudā ke liye
sard rāteñ haiñ aur december bhī
kar na denā ḳhatā ḳhudā ke liye
pyaar 'qaisar' kā bas mile mujh ko
denā aisī du'ā ḳhudā ke liye
apni 'izzat bacha KHuda ke liye
mere KHat ko chhupa KHuda ke liye
khiDkiyan khol do mere ghar ki
aane do kuchh hawa KHuda ke liye
rok rakkha hai kyun bina maqsad
jurm mera bata KHuda ke liye
hath bandhe sawal hai ye mera
KHatm hogi saza KHuda ke liye
ab mohabbat qubul kar le meri
yun na dil ko jala KHuda ke liye
sard raaten hain aur december bhi
kar na dena KHata KHuda ke liye
pyar 'qaisar' ka bas mile mujh ko
dena aisi du'a KHuda ke liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
