un ras bhari aankhon mein haya khel rahi hai
un ras bharī āñkhoñ meñ hayā khel rahī hai
do zahr ke pyāloñ pe qazā khel rahī hai
haiñ nargis-o-gul kis liye mas.hūr-e-tamāshā
gulshan meñ koī shoḳh adā khel rahī hai
us bazm meñ jaa.eñ to ye kahtī haiñ adā.eñ
kyuuñ aa.e ho, kyā sar pe qazā khel rahī hai
us chashm-e-siyah mast pe gesū haiñ pareshāñ
maiḳhāne pe ghanghor ghaTā khel rahī hai
bad-mastī meñ tum ne unheñ kyā kah diyā 'aḳhtar'
kyuuñ shoḳh-nigāhoñ meñ hayā khel rahī hai
un ras bhari aankhon mein haya khel rahi hai
do zahr ke pyalon pe qaza khel rahi hai
hain nargis-o-gul kis liye mashur-e-tamasha
gulshan mein koi shoKH ada khel rahi hai
us bazm mein jaen to ye kahti hain adaen
kyun aae ho, kya sar pe qaza khel rahi hai
us chashm-e-siyah mast pe gesu hain pareshan
maiKHane pe ghanghor ghaTa khel rahi hai
bad-masti mein tum ne unhen kya kah diya 'aKHtar'
kyun shoKH-nigahon mein haya khel rahi hai
- Book : Kulliyat-e-Akhtar shirani (Pg. 258)
- Author : Gopal Mittal
- Publication : Modern Publishing House (1997)
- Edition : 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
