altaf bayan hon kab humse ai jaan tumhaari surat ke
altāf bayāñ hoñ kab ham se ai jaan tumhārī sūrat ke
haiñ lākhoñ apnī āñkhoñ par ehsān tumhārī sūrat ke
muñh dekhe ki ye baat nahīñ sach pūchho to ab duniyā meñ
behosh kare haiñ pariyoñ ko insān tumhārī sūrat ke
ā.īna-ruḳhoñ kī mahfil meñ jis vaqt ayaañ tum hote ho
sab aa.ina saañ rah jaate haiñ hairān tumhārī sūrat ke
kuchh kahne par mauqūf nahīñ ma.alūm abhī ho jāvegā
ḳhurshīd muqābil ho dekhe ik aan tumhārī sūrat ke
ki arz 'nazīr' ik bose kī jab hañs kar chanchal bolā yuuñ
is muñh se bosa lījiyegā qurbān tumhārī sūrat ke
altaf bayan hon kab hum se ai jaan tumhaari surat ke
hain lakhon apni aankhon par ehsan tumhaari surat ke
munh dekhe ki ye baat nahin sach puchho to ab duniya mein
behosh kare hain pariyon ko insan tumhaari surat ke
aaina-ruKHon ki mahfil mein jis waqt ayan tum hote ho
sab aaina san rah jate hain hairan tumhaari surat ke
kuchh kahne par mauquf nahin malum abhi ho jawega
KHurshid muqabil ho dekhe ek aan tumhaari surat ke
ki arz 'nazir' ek bose ki jab hans kar chanchal bola yun
is munh se bosa lijiyega qurban tumhaari surat ke
- Deewan-e-Nazeer Akbarabadi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
