husn ke sehr o karamat se ji Darta hai
husn ke sehr o karāmāt se jī Dartā hai
ishq kī zinda rivāyāt se jī Dartā hai
maiñ ne maanā ki mujhe un se mohabbat na rahī
ham-nashīñ phir bhī mulāqāt se jī Dartā hai
sach to ye ki abhī dil ko sukūñ hai lekin
apne āvāra ḳhayālāt se jī Dartā hai
itnā royā huuñ ġham-e-dost zarā sā hañs kar
muskurāte hue lamhāt se jī Dartā hai
jo bhī kahnā hai kaho saaf shikāyat hī sahī
in ishārāt-o-kināyāt se jī Dartā hai
hijr kā dard na.ī baat nahīñ hai lekin
din vo guzrā hai ki ab raat se jī Dartā hai
kaun bhūlā hai 'na.īm' un kī mohabbat kā fareb
phir bhī in taaza ināyāt se jī Dartā hai
husn ke sehr o karamat se ji Darta hai
ishq ki zinda riwayat se ji Darta hai
main ne mana ki mujhe un se mohabbat na rahi
ham-nashin phir bhi mulaqat se ji Darta hai
sach to ye ki abhi dil ko sukun hai lekin
apne aawara KHayalat se ji Darta hai
itna roya hun gham-e-dost zara sa hans kar
muskuraate hue lamhat se ji Darta hai
jo bhi kahna hai kaho saf shikayat hi sahi
in ishaaraat-o-kinayat se ji Darta hai
hijr ka dard nai baat nahin hai lekin
din wo guzra hai ki ab raat se ji Darta hai
kaun bhula hai 'naim' un ki mohabbat ka fareb
phir bhi in taza inayat se ji Darta hai
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
