husn kab ishq ka mamnun-e-wafa hota hai
husn kab ishq kā mamnūn-e-vafā hotā hai
laakh parvāna mare sham.a pe kyā hotā hai
shaġhl-e-sayyād yahī sub.h o masā hotā hai
qaid hotā hai koī koī rihā hotā hai
jab patā chaltā hai ḳhushbū kī vafādārī kā
phuul jis vaqt gulistāñ se judā hotā hai
zabt kartā huuñ to ghuTtā hai qafas meñ mirā dam
aah kartā huuñ to sayyād ḳhafā hotā hai
ḳhuun hotā hai sahar tak mire armānoñ kā
shām-e-vāda jo vo pāband-e-hinā hotā hai
chāndnī dekh ke yaad aate haiñ kyā kyā vo mujhe
chāñd jab shab ko 'qamar' jalva-numā hotā hai
husn kab ishq ka mamnun-e-wafa hota hai
lakh parwana mare shama pe kya hota hai
shaghl-e-sayyaad yahi subh o masa hota hai
qaid hota hai koi koi riha hota hai
jab pata chalta hai KHushbu ki wafadari ka
phul jis waqt gulistan se juda hota hai
zabt karta hun to ghuTta hai qafas mein mera dam
aah karta hun to sayyaad KHafa hota hai
KHun hota hai sahar tak mere armanon ka
sham-e-wada jo wo paband-e-hina hota hai
chandni dekh ke yaad aate hain kya kya wo mujhe
chand jab shab ko 'qamar' jalwa-numa hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
