miTTi tha kis ne chaak pe rakh kar ghuma diya
miTTī thā kis ne chaak pe rakh kar ghumā diyā
vo kaun haath the ki jo chāhā banā diyā
jo ab talak chhupā.e thī kamre kī raushnī
rastoñ kī tīrgī ne vo sab kuchh dikhā diyā
pariyoñ ke des vaalī kahānī bhī ḳhuub hai
bachchoñ ko jis ne phir yūñhī bhūkā sulā diyā
ab aur kyā talāsh hai kyuuñ dīda-rez ho
miTTī meñ bas vahī thā jo tum ne ugā diyā
kuchh azhdahe se ret pe kuchh band sīpiyāñ
sāhil ko lūTtī huī lahroñ ne kyā diyā
miTTi tha kis ne chaak pe rakh kar ghuma diya
wo kaun hath the ki jo chaha bana diya
jo ab talak chhupae thi kamre ki raushni
raston ki tirgi ne wo sab kuchh dikha diya
pariyon ke des wali kahani bhi KHub hai
bachchon ko jis ne phir yunhi bhuka sula diya
ab aur kya talash hai kyun dida-rez ho
miTTi mein bas wahi tha jo tum ne uga diya
kuchh azhdahe se ret pe kuchh band sipiyan
sahil ko luTti hui lahron ne kya diya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
