apne kisi kamal ka elan kya kare
apne kisī kamāl kā e'lān kyā kare
ḳhud phuul sāmne ho to guldān kyā kare
terā ye qurb rizq kī ḳhvāhish se kam nahīñ
jab bhuuk lag rahī ho to insān kyā kare
dāman meñ kuchh na kuchh to namī honī chāhiye
vīrān khetiyoñ pe vo bārān kyā kare
ho 'ālam-e-visāl meñ mastāna aadmī
lekin kisī ke hijr ke daurān kyā kare
tere baġhair saltanat-e-dil kā haal kyā
sultān haar jaa.e to darbān kyā kare
jis par tumhāre husn kī tāsīr tak na ho
us shaḳhs kā bhalā koī darmān kyā kare
yakjā huī na us se mirī ḳhāk-e-be-kinār
'jāmī' vo apnī fat.h kā e'lān kyā kare
apne kisi kamal ka e'lan kya kare
KHud phul samne ho to guldan kya kare
tera ye qurb rizq ki KHwahish se kam nahin
jab bhuk lag rahi ho to insan kya kare
daman mein kuchh na kuchh to nami honi chahiye
viran khetiyon pe wo baran kya kare
ho 'alam-e-visal mein mastana aadmi
lekin kisi ke hijr ke dauran kya kare
tere baghair saltanat-e-dil ka haal kya
sultan haar jae to darban kya kare
jis par tumhaare husn ki tasir tak na ho
us shaKHs ka bhala koi darman kya kare
yakja hui na us se meri KHak-e-be-kinar
'jami' wo apni fath ka e'lan kya kare
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
