Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tu ne ye phul jo zulfon mein saja rakkha hai

Qateel Shifai

tu ne ye phul jo zulfon mein saja rakkha hai

Qateel Shifai

MORE BYQateel Shifai

    tū ne ye phuul jo zulfoñ meñ sajā rakkhā hai

    ik diyā hai jo añdheroñ meñ jalā rakkhā hai

    jiit le jaa.e koī mujh ko nasīboñ vaalā

    zindagī ne mujhe daao pe lagā rakkhā hai

    jaane kab dil meñ koī jhāñkne vaalā aa jaa.e

    is liye maiñ ne garebān khulā rakkhā hai

    imtihāñ aur mire zabt kā tum kyā loge

    maiñ ne dhaḌkan ko bhī siine meñ chhupā rakkhā hai

    dil thā ik sho'la magar biit ga.e din vo 'qatīl'

    ab kuredo na ise raakh meñ kyā rakkhā hai

    tu ne ye phul jo zulfon mein saja rakkha hai

    ek diya hai jo andheron mein jala rakkha hai

    jit le jae koi mujh ko nasibon wala

    zindagi ne mujhe dao pe laga rakkha hai

    jaane kab dil mein koi jhankne wala aa jae

    is liye main ne gareban khula rakkha hai

    imtihan aur mere zabt ka tum kya loge

    main ne dhaDkan ko bhi sine mein chhupa rakkha hai

    dil tha ek sho'la magar bit gae din wo 'qatil'

    ab kuredo na ise rakh mein kya rakkha hai

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now