ho gaya jo bhi tha manzur KHasara hona
ho gayā jo bhī thā manzūr ḳhasāra honā
ab to mumkin hī nahīñ 'ishq dubāra honā
TuuT ke bikhrūñ yahī haq meñ mire behtar hai
raas aayā hī nahīñ mujh ko sitāra honā
aap mā'sūm haiñ muhtāt raheñ to achchhā
hai baḌā jurm yahāñ itnā bhī pyārā honā
ik faqat tere sivā duniyā mayassar hai mujhe
is ko kahte haiñ miyāñ 'ishq meñ haarā honā
ek-tarfa kī mohabbat meñ aziyyat hai bahut
saath is dard ke mushkil hai guzārā honā
'ain mumkin hai use ham se mohabbat hī nahīñ
yā'nī mumkin hī nahīñ us kā hamārā honā
ho gaya jo bhi tha manzur KHasara hona
ab to mumkin hi nahin 'ishq dubara hona
TuT ke bikhrun yahi haq mein mere behtar hai
ras aaya hi nahin mujh ko sitara hona
aap ma'sum hain muhtat rahen to achchha
hai baDa jurm yahan itna bhi pyara hona
ek faqat tere siwa duniya mayassar hai mujhe
is ko kahte hain miyan 'ishq mein haara hona
ek-tarfa ki mohabbat mein aziyyat hai bahut
sath is dard ke mushkil hai guzara hona
'ain mumkin hai use hum se mohabbat hi nahin
ya'ni mumkin hi nahin us ka hamara hona
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
