hirs daulat ki na izz o jah ki

hirs daulat kī na izz o jaah kī

bas tamannā hai dil-e-āgāh kī

dard-e-dil kitnā pasand aayā use

maiñ ne jab kī aah us ne vaah kī

khiñch ga.e kan.āñ se yūsuf misr ko

pūchhiye hazrat se quvvat chaah kī

bas sulūk us kā hai manzil us kī hai

us ke dil tak jis ne apnī raah kī

vā.izo kaisā butoñ kā ghūrnā

kuchh ḳhabar hai summa-vaj.hul-lāh kī

yaad aa.ī tāq-e-bait-ul-lāh meñ

bait-e-abrū us but-e-dil-ḳhvāh kī

rāh-e-haq kī hai agar 'āsī' talāsh

ḳhāk-e-rah ho mard-e-haq-āgāh kī

hirs daulat ki na izz o jah ki

bas tamanna hai dil-e-agah ki

dard-e-dil kitna pasand aaya use

main ne jab ki aah us ne wah ki

khinch gae kanan se yusuf misr ko

puchhiye hazrat se quwwat chah ki

bas suluk us ka hai manzil us ki hai

us ke dil tak jis ne apni rah ki

waizo kaisa buton ka ghurna

kuchh KHabar hai summa-wajhul-lah ki

yaad aai taq-e-bait-ul-lah mein

bait-e-abru us but-e-dil-KHwah ki

rah-e-haq ki hai agar 'asi' talash

KHak-e-rah ho mard-e-haq-agah ki