ye kya bhari bahaar mein sehn-e-chaman se dur

ye kyā bharī bahār meñ sehn-e-chaman se duur

maiñ jī rahā huuñ dost tirī anjuman se duur

bijlī kā ḳhauf hogā na sayyād kā hirās

maiñ āshiyāñ banā.ūñgā sehn-e-chaman se duur

is qaid-e-sub.h-o-shām se ghabrā gayā hai jī

ai 'ishq chal kahīñ bhī nizām-e-kuhan se duur

hai naḳhl-e-ārzū mirā ab tak ḳhizāñ-nasīb

gar aa.ī bhī bahār to mere chaman se duur

ham-rāz hai koī na mirā ham-zabāñ koī

'hindī' to hai vatan meñ magar hai vatan se duur

ye kya bhari bahaar mein sehn-e-chaman se dur

main ji raha hun dost teri anjuman se dur

bijli ka KHauf hoga na sayyaad ka hiras

main aashiyan banaunga sehn-e-chaman se dur

is qaid-e-subh-o-sham se ghabra gaya hai ji

ai 'ishq chal kahin bhi nizam-e-kuhan se dur

hai naKHl-e-arzu mera ab tak KHizan-nasib

gar aai bhi bahaar to mere chaman se dur

ham-raaz hai koi na mera ham-zaban koi

'hindi' to hai watan mein magar hai watan se dur